જો તમે સાયબર ક્રાઈમ અથવા નાણાકીય છેતરપિંડીનો ભોગ બનો તો DOTએ નાગરિકોને સંચારસાથી પોર્ટલ – સાઈબર ક્રાઈમની વેબસાઈટ અથવા હેલ્પલાઈન નંબર 1930 પર જાણ કરવાની સલાહ આપી
ખાસ-ખબર ન્યૂઝ નવી દિલ્હી, તા.8
- Advertisement -
સંચાર મંત્રાલય હેઠળના ડિપાર્ટમેન્ટ ઓફ ટેલિકોમ્યુનિકેશન્સ (DoT) એ તાજેતરમાં અમુક નંબરો પરથી આવતા વોટ્સએપ કોલ્સ અંગે નાગરિકોને સલાહ આપી છે. ટેલિકોમ મંત્રાલયના જણાવ્યા અનુસાર, નાગરિકોને આ કોલ મળી રહ્યા છે, જેમાં DoTના નામે કોલ કરનારા મોબાઈલ યુઝર્સને ધમકી આપે છે કે તેમનો મોબાઈલ નંબર ડિસ્કનેક્ટ થઈ જશે.
આ કોલર્સ મોબાઈલ યુઝર્સને એમ કહીને ધમકાવતા હોય છે કે તેમના નંબરનો અમુક ગેરકાયદેસર પ્રવૃત્તિઓ માટે દુરુપયોગ થઈ રહ્યો છે. આ મોડસ ઓપરેન્ડી સીબીઆઈ – સંબંધિત સાયબર ગુનાઓમાં યુઝર્સને કેવી રીતે ધમકાવવામાં આવે છે તેના જેવી જ છે, જ્યાં ગુનેગારો સીબીઆઈ ઓફિસર હોવાનો ઢોંગ કરે છે અને તેમના નામે કેટલાક ગેરકાયદે પેકેજ મેળવ્યા હોવાનો દાવો કરે છે.
DoT એ વિદેશી મૂળના મોબાઈલ નંબરો પરથી વોટ્સએપ કોલ્સ અંગે પણ એડવાઈઝરી જારી કરી છે. આ નંબરો: જેમ કે +92-XXXXXXXXXX — લોકોને સરકારી અધિકારીઓના રૂપમાં બોલાવવામાં આવે છે અને તેમની સાથે છેતરપિંડી કરે છે.
- Advertisement -
ટેલિકોમ મંત્રાલયે મોબાઈલ યુઝર્સને ચેતવણી આપી છે કે સાયબર ગુનેગારો સાયબર ક્રાઈમ / નાણાકીય છેતરપિંડી કરવા માટે આવા કોલ દ્વારા વ્યક્તિગત માહિતીની ધમકી / ચોરી કરવાનો પ્રયાસ કરે છે. તેણે વધુમાં કહ્યું કે ઉજ્ઞઝ તેના વતી આવા કોલ્સ કરવા માટે કોઈને અધિકૃત કરતું નથી અને લોકોને સાવચેત રહેવાની સલાહ આપી છે. અને આવા કોલ્સ પ્રાપ્ત કરવા પર, કોઈપણ માહિતી શેર ન કરવા માટે કહેવામાં આવ્યું છે.
DoTએ નાગરિકોને સંચારસાથી પોર્ટલ (www.snacharsathi.gov.in)ની ’આઈ-રિપોર્ટ સસ્પેક્ટેડ ફ્રોડ કોમ્યુનિકેશન્સ’ ફીચર પર આવા કપટપૂર્ણ સંદેશાવ્યવહારની જાણ કરવાની સલાહ આપી છે. આવા સક્રિય રિપોર્ટિંગ સાયબર ગુનાઓ, નાણાકીય છેતરપિંડી વગેરે માટે ટેલિકોમ સંસાધનોના દુરુપયોગને રોકવામાં DoTને મદદ કરે છે. વધુમાં, નાગરિકો સંચારસાથી પોર્ટલ www.snacharsathi.gov.in) ની your Mobile Connections’ ફીચર પર તેમના નામે મોબાઈલ કનેક્શન ચેક કરી શકે છે અને કોઈ પણ મોબાઈલ કનેક્શનની જાણ કરી શકે છે જેનો તેમણે લાભ લીધો નથી. અથવા જેની જરૂર નથી. દૂરસંચાર વિભાગે નાગરિકોને સાયબર ક્રાઈમ હેલ્પલાઈન નંબર 1930 અથવા www.cybercrime.gov.inપર જાણ કરવાની પણ સલાહ આપી છે જો તેઓ સાયબર ક્રાઈમ અથવા નાણાકીય છેતરપિંડીનો ભોગ બને છે.
