ઓલ ગુજરાત પ્રજ્ઞાચક્ષુ ગરબા હરિફાઈમાં જૂનાગઢ અંધ ક્ધયા છાત્રાલયની દીકરીઓ પ્રથમ સ્થાને

ખાસ-ખબર સંવાદદાતા
જુનાગઢ પ્રજ્ઞાચક્ષુ ચેરીટેબલ ટ્રસ્ટની અંધ દીકરીઓએ પ્રાચીન રાસ ગરબા હરિફાઈમાં પુર્વ તૈયારી અને આત્મવિશ્ર્વાસના સહારે રાજ્ય કક્ષાએ સંસ્થાનું નામ રોશન કર્યું છે. ઓલ ગુજરાત પ્રજ્ઞાચક્ષુ રાસ ગરબા હરિફાઈ ભુજ મુકામે તા.7 ઓકટોબર ના રોજ નેશનલ એસોસિએશન ફોર ધ બ્લાઇન્ડ ભુજ બ્રાન્ચ દ્વારા રાસ ગરબાની હરિફાઈનુ ભવ્ય આયોજન કરવામાં આવ્યું હતું. જેમાં ગુજરાત ના દરેક જિલ્લાઓમાંથી જુદી જુદી 26 જેટલી સંસ્થાઓની અંધ ક્ધયાઓએ આ રાસ-ગરબાની હરિફાઈ મા ભાગ લીધેલ હતો. જે એક પડકાર હતો, જેમા પ્રજ્ઞાચક્ષુ ચેરીટેબલ ટ્રસ્ટ જુનાગઢની અંધ ક્ધયાઓનો પ્રાચીન ગરબામાં પ્રથમ નંબરઆવતા ભુજ સંસ્થા દ્વારા ભવ્ય સન્માન રોકડ પુરસ્કાર, ટ્રોફી અને સર્ટીફીકેટ આપી કરવામાં આવ્યું હતુ. આવી ઝળહળતી સફળતા અપાવવા બદલ સંસ્થાના પ્રમુખ મનસુખભાઈ વાજા દ્વારા ખૂબ ખૂબ શુભકામના પાઠવવામાં આવી હતી.