સોમવારથી દૂધ, દહીં અને લસ્સી જેવી ડઝનબંધ વસ્તુઓ મોંઘી થશે

ખાસ-ખબર સંવાદદાતા
નાણામંત્રી નિર્મલા સીતારમણની અધ્યક્ષતામાં 47મી GST બેઠકમાં ઘણા નિર્ણયો લેવામાં આવ્યા છે. જેની અસર 18મી જુલાઈ 2022થી જોવા મળશે. 18મી જુલાઈથી અનેક જીવનજરૂરી ચીજવસ્તુઓના ભાવમાં વધારો થવા જઈ રહ્યો છે. હવેથી તમારે રોજિંદા ખાદ્યપદાર્થો માટે વધુ પૈસા ચૂકવવા પડશે. આ ખાદ્યપદાર્થોમાં દૂધ પણ સામેલ છે, જેની કિંમત પણ આગામી સપ્તાહથી વધશે. આગામી સપ્તાહ એટલે કે 18 જુલાઈથી કેટલીક સેવાઓની કિંમતો વધી જશે.
18મી જુલાઈ 2022થી ઘણી જરૂરી વસ્તુઓની કિંમતો વધવા જઈ રહી છે. હવેથી તમારે રોજિંદા ખાદ્યપદાર્થો માટે વધુ પૈસા ચૂકવવા પડશે. પનીર, લસ્સી, બટર મિલ્ક, પેકેજડ દહીં, ઘઉંનો લોટ, અન્ય અનાજ, મધ, પાપડ, અનાજ, માંસ અને માછલીના ભાવમાં વધારો થતાં કેટલીક ચીજવસ્તુઓ અને સેવાઓ પર જીએસટી દર વધશે.

આ ઉપરાંત, મુડી અને ગોળ જેવા પ્રી-પેકેજ લેબલ સહિત કૃષિ કોમોડિટીના ભાવ પણ 18 જુલાઈથી વધવાની તૈયારીમાં છે. આ ઉત્પાદનો પર ટેક્સ વધારવામાં
આવ્યો છે.

હાલમાં બ્રાન્ડેડ અને પેકેજડ ખાદ્યપદાર્થો પર 5 ટકા GST વસૂલવામાં આવે છે. અનપેક્ડ અને લેબલ વગરના ઉત્પાદનો કરમુક્ત છે.