CM યોગી અને ભુતાનના રાજાએ સંગમમાં સ્નાન કર્યું

PM મોદી આવતીકાલે મહાકુંભમાં ડૂબકી લગાવશે

મહાકુંભમાં અત્યાર સુધીમાં 37 કરોડ લોકોએ ડૂબકી લગાવી
ભાગદોડ સંબંધિત અફવા ફેલાવવા બદલ 8 લોકો સામે કેસ
ખાસ-ખબર ન્યૂઝ પ્રયાગરાજ

પીએમ મોદી 5 ફેબ્રુઆરીએ મહાકુંભમાં સંગમમાં ડૂબકી લગાવશે. બુધવારે માઘ માસની અષ્ટમી તિથિએ પવિત્ર ત્રિવેણીમાં સ્નાન કરશે. સ્નાન કર્યા બાદ તેઓ સંગમના કિનારે જ ગંગાની પૂજા કરશે અને દેશવાસીઓના કલ્યાણની કામના કરશે.

આજે સીએમ યોગી અને ભુતાનના રાજા જિગ્મે ખેસર નામગ્યાલ વાંગચુકે સંગમમાં ડૂબકી લગાવી. આ પછી, ગંગા પૂજા અને આરતી કરી અને પછી અક્ષયવટ પહોંચ્યા. ત્યાં દર્શન અને પૂજા કરી.
યોગી અને ભુતાનના રાજા લખનઉથી વિમાન દ્વારા બામરૌલી એરપોર્ટ પહોંચ્યા. ત્યાંથી સડક માર્ગે મહાકુંભ પહોંચ્યા. અરેલ ઘાટથી હોડીમાં બેઠા અને સંગમ પહોંચ્યા અને સ્નાન કર્યું. આ દરમિયાન, ભુતાનના રાજાએ સીએમ યોગી સાથે પક્ષીઓને ચણ નાખી. તેમણે ફોટો પણ પડાવ્યો. પીએમના આગમનને લઇને યોગી હેલિપેડથી અરેલ અને સંગમ નોઝ સુધીની વ્યવસ્થાનું નિરીક્ષણ કરશે.અહીં, પ્રયાગરાજ પોલીસે 29 જાન્યુઆરીએ થયેલી ભાગદોડ સંબંધિત અફવા ફેલાવવાના આરોપમાં 8 લોકો સામે કેસ નોંધ્યો છે.

મહાકુંભમાં અત્યાર સુધીમાં 37 કરોડ લોકો ડૂબકી લગાવી ચૂક્યા છે. આજે સવારે 8 વાગ્યા સુધીમાં 30 લાખ શ્રદ્ધાળુઓએ ડૂબકી લગાવી હતી. ગઈકાલે એટલે કે વસંત પંચમીના દિવસે 2.33 કરોડ લોકોએ સ્નાન કર્યું. આજે મહાકુંભનો 23મો દિવસ છે. તેની શરૂઆત 13 જાન્યુઆરીથી થઈ હતી. વસંત પંચમી સાથે, મહાકુંભના ત્રણ અમૃત સ્નાન પૂર્ણ થયા છે. હવે 3 સ્નાન પર્વ છે જેમાં ભક્તો સ્નાન કરશે.
પ્રયાગરાજ પોલીસે 29 જાન્યુઆરીએ થયેલી ભાગદોડ સંબંધિત અફવા ફેલાવવા બદલ 8 લોકો સામે કેસ નોંધ્યો છે. આ લોકોએ તેમના ડ એકાઉન્ટ અને ઇન્સ્ટાગ્રામ આઈડી પર વીડિયો અને ફોટા અપલોડ કર્યા હતા.

પીએમ મોદીની મહાકુંભની પ્રસ્તાવિત મુલાકાત 5 ફેબ્રુઆરી એટલે કે આવતીકાલે છે. મહાકુંભમાં પીએમ મોદીનો લગભગ એક કલાકનો કાર્યક્રમ નક્કી કરવામાં આવ્યો છે. તેઓ બુધવારે સવારે લગભગ 10 વાગ્યે વિશેષ વિમાન દ્વારા બમરૌલી એરપોર્ટ પહોંચશે. આ પછી, આર્મીના ત્રણ હેલિકોપ્ટર અરેલના ડીપીએસ મેદાનના હેલિપેડ પર ઉતરશે, જ્યાંથી તેઓ કાર દ્વારા વીઆઈપી જેટી પર જશે. અહીંથી નિષાદરાજ સંગમમાં ડૂબકી મારવા માટે ક્રુઝ પર જશે અને ગંગા પૂજા અને આરતી કરવામાં આવશે. આ દરમિયાન તેઓ અખાડા, આચાર્યવાડા, દાંડીવાડા અને ખાકચોકના પ્રતિનિધિઓને મળશે અને વાત કરશે.