ચંદ્રયાન 23 ઓગસ્ટના રોજ ચંદ્ર પર ઉતર્યું હતું, ત્યારબાદ પ્રજ્ઞાન રોવર તેની સપાટી પર ફરી રહ્યું છે અને નવી માહિતી આપી રહ્યું છે. આ દરમિયાન તેણે એક ખાડાની તસવીર મોકલી છે, જેને ઈસરોએ શેર કરી છે.
ચંદ્રયાન-3ના ચંદ્ર પર ઉતર્યા બાદ દરરોજ નવી માહિતી બહાર આવી રહી છે. આ દરમિયાન 27 ઓગસ્ટના રોજ ચંદ્રની સપાટી પર પ્રજ્ઞાન રોવરની સામે 4 મીટર વ્યાસનો ખાડો આવ્યો અને તેણે આ અવરોધ પણ પાર કર્યો. ઈન્ડિયન સ્પેસ રિસર્ચ ઓર્ગેનાઈઝેશન (ઈસરો) એ સોમવારે જણાવ્યું હતું કે રોવરને તેના સ્થાનથી 3 મીટર આગળ એક ખાડો મળ્યો હતો, ત્યારબાદ તેને માર્ગ બદલવાની સૂચના આપવામાં આવી હતી. હવે તે સુરક્ષિત રીતે નવા માર્ગ પર આગળ વધી રહ્યું છે.
- Advertisement -
Chandrayaan-3 Mission:
On August 27, 2023, the Rover came across a 4-meter diameter crater positioned 3 meters ahead of its location.
The Rover was commanded to retrace the path.
It's now safely heading on a new path.#Chandrayaan_3#Ch3 pic.twitter.com/QfOmqDYvSF
- Advertisement -
— ISRO (@isro) August 28, 2023
ISROએ X (Twitter) પર ચંદ્ર પર જોવા મળેલા મોટા ખાડાની તસવીર પણ શેર કરી છે, જેમાં એક મોટો ખાડો સ્પષ્ટપણે જોઈ શકાય છે, જ્યારે બીજી તસવીરમાં રોવર પસાર થવાના નિશાન છે. હકીકતમાં થોડા દિવસો પહેલા જ ચંદ્રયાન-3ના વિક્રમ લેન્ડરે ચંદ્રના અજાણ્યા દક્ષિણ ધ્રુવ પર સફળતાપૂર્વક ઉતરાણ કરીને ઈતિહાસ રચ્યો હતો અને આ સિદ્ધિ હાંસલ કરનાર ભારત પ્રથમ દેશ બન્યો હતો.
આ અગાઉ રોવર લગભગ 100 મીમીની ઊંડાઈ સાથે એક ખાડો પાર કરવામાં સફળ રહ્યો હતો. આ સિદ્ધિએ ISRO કંટ્રોલ રૂમમાં આત્મવિશ્વાસ જગાડ્યો છે, જ્યાં આવા અનેક પડકારોમાંથી રોવરને માર્ગદર્શન આપવામાં આવે છે. સાથે જ તેના પર નજર રાખવામાં આવી રહી છે. 6-પૈડાવાળું, સૌર-સંચાલિત રોવર પ્રમાણમાં અજાણ્યા પ્રદેશની આસપાસ ફરી રહ્યું છે. તે ચિત્રો અને વૈજ્ઞાનિક ડેટા મોકલી રહ્યો છે.
