સ્ટેડિયમમાં સેલેબ્સનો જમાવડો: રોહિત શર્માથી લઈ રણબીર કપૂર સુધીના સ્ટાર્સ ઉમટ્યા

સેલિબ્રિટીઝનો જમાવડો: ઉત્સાહમાં ઠેકડા મારતી સાક્ષી ધોનીને માહીએ શાંત પાડી, ક્રિકેટ અને બોલિવૂડના સમન્વયથી સ્ટેડિયમમાં ગ્લેમરનો તડકો

ભારતની જીત બાદ રાજકોટિયન્સની હાથમાં તિરંગો લઇ શાનદાર ઉજવણી 

ભારત અને ઇંગ્લેન્ડ વચ્ચેની મેચમાં ભારતની જીત બાદ રાજકોટમાં ઉત્સાહનું વાતાવરણ જોવા મળ્યુ હતુ. ખાસ કરીને હાલમાં ચાલી રહેલા ટી-20 વર્લ્ડકપ 2026ની સેમી ફાઇનલમાં ભારતે ઇંગ્લેન્ડને હરાવીને ફાઇનલમાં પ્રવેશ કર્યો હોવાથી ક્રિકેટપ્રેમીઓમાં ભારે આનંદ છવાયો છે. રાજકોટ હંમેશા ક્રિકેટ માટે જાણીતું રહ્યું છે અને આ મોટી જીત બાદ શહેરના વિવિધ વિસ્તારોમાં દિવાળી જેવો માહોલ જોવા મળ્યો હતો. મેચ પુરી થતાની સાથે જ મોટી સંખ્યામાં યુવાનો તિરંગા સાથે રસ્તા પર ઉતરી આવ્યા હતા અને ઢોલ-નગારાના તાલે ઈન્ડિયા..ઈન્ડિયાના નારા લગાવી ફટાકડા ફોડી ભારતની જીતને વધાવી લેવામાં આવી હતી.