શ્રી કૃષ્ણ જન્મભૂમિ અને શાહી ઈદગાહ વિવાદ મામલે અલ્હાબાદ હાઈકોર્ટે મુસ્લિમ પક્ષની અરજી ફગાવી

શ્રી કૃષ્ણ જન્મભૂમિ અને શાહી ઈદગાહને લઈને ચાલી રહેલા વિવાદમાં મુસ્લિમ પક્ષને મોટો આંચકો લાગ્યો છે. હિંદુ પક્ષને રાહત આપતા અલ્હાબાદ હાઈકોર્ટે મુસ્લિમ પક્ષની કેસ રદ કરવાની અરજી ફગાવી દીધી છે તેથી હવે હાઈકોર્ટમાં હિંદુ પક્ષની 18 અરજીઓ પર આગામી 12 ઓગસ્ટે સુનાવણી થશે. અલ્હાબાદ હાઈકોર્ટે ગુરૂવારે કેસની જાળવણીને પડકારતી મુસ્લિમ પક્ષની અરજીને ફગાવી દીધી હતી અને કહ્યું હતું કે કેસ જાળવવા યોગ્ય છે. હિન્દુ પક્ષની અરજી સાંભળવા યોગ્ય છે. જસ્ટિસ મયંક કુમાર જૈને મુસ્લિમ પક્ષ દ્વારા (ઓર્ડર 7 નિયમ 11 સીપીસી હેઠળ) કેસની જાળવણી અંગે દાખલ કરેલી અરજી પર ચુકાદો અનામત રાખ્યો છે. કોર્ટે મુદ્દા પર નિર્ણય લેવા માટે 12 ઓગસ્ટની તારીખ પણ નક્કી કરી છે.

અયોધ્યા વિવાદની જેમ આવી શકે મથુરાના મંદિર-મસ્જિદનો વિવાદ

હિંદુ પક્ષની દલીલો

1. ઈદગાહનો આખો અઢી એકર વિસ્તાર ભગવાન શ્રી કૃષ્ણનું ગર્ભગૃહ છે.
2. મસ્જિદ સમિતિ પાસે જમીનનો આવો કોઈ રેકોર્ડ નથી.
3. આ અરજીમાં CPC નો ઓર્ડર-7, નિયમ-11 લાગુ પડતો નથી.
4. મંદિરને તોડીને ગેરકાયદેસર રીતે મસ્જિદ બનાવાઈ છે.
5. જમીન કટરા કેશવ દેવની માલિકીની છે.
6. માલિકી હક્કો વિના, વકફ બોર્ડે આ જમીનને કોઈપણ કાયદાકીય પ્રક્રિયા વિના વકફ મિલકત તરીકે જાહેર કરી છે.
7. આ ઈમારતને પુરાતત્વ વિભાગ દ્વારા પણ સંરક્ષિત જાહેર કરવામાં આવેલ છે, તેથી તેના પર પૂજાના સ્થળોનો કાયદો લાગુ પડતો નથી.
8. ASIએ તેને નઝુલ જમીન ગણી છે, તેને વકફ મિલકત કહી શકાય નહીં.

મુસ્લિમ પક્ષકારોશું દલીલો ?

1. મુસ્લિમ પક્ષકારોએ કોર્ટમાં દલીલ કરી હતી કે 1968માં આ જમીન પર બંને પક્ષો વચ્ચે સમજૂતી થઈ હતી. તેથી કેસ રદ કરવો જોઈએ.
2. પ્લેસિસ ઓફ વર્શીપ એક્ટ 1991 હેઠળ પણ કેસની વિચારણા થઈ શકે તેવી નથી.
3. ધાર્મિક સ્થળની ઓળખ અને પ્રકૃતિ 15 ઓગસ્ટ 1947ની જેમ હતી તેવી જ રહેશે. એટલે કે તેનો સ્વભાવ બદલી શકાતો નથી.
4. આ બાબતને લિમિટેશન એક્ટ અને વક્ફ એક્ટ હેઠળ પણ જોવી જોઈએ.
5. આ વિવાદની સુનાવણી વક્ફ ટ્રિબ્યુનલમાં થવી જોઈએ. આ સિવિલ કોર્ટમાં સુનાવણીનો વિષય નથી.