કર્ણાટક બાદ હવે શ્રીનગરની શાળામાં હિજાબનો વિવાદ

મુસ્લિમ યુવતીઓનું પ્રદર્શન, કહ્યું- અમે હિજાબ પહેરવાનું બંધ નહીં કરીએ

ખાસ-ખબર સંવાદદાતા
કર્ણાટક બાદ હવે હિજાબનો વિવાદ જમ્મુ-કાશ્મીર સુધી પહોંચી ગયો છે. શ્રીનગરના રૈનાવારી વિસ્તારમાં આવેલી વિશ્વ ભારતી મહિલા કોલેજની વિદ્યાર્થિનીઓનો આરોપ છે કે તેમને હિજાબ પહેરવાથી રોકવામાં આવી રહ્યા છે.

તેઓ કહે છે કે હિજાબ અમારા ધર્મનો એક ભાગ છે અને અમે તેને બિલકુલ હટાવીશું નહીં. જ્યારે અન્ય શાળાઓમાં તેને લગાવવાની મંજૂરી છે તો અમારી શાળામાં કેમ નહીં? શાળા પ્રશાસનના આ આદેશ સામે વિદ્યાર્થિનીઓએ રસ્તા પર ઉતરી વિરોધ પ્રદર્શન કર્યું હતું.

મુસ્લિમ વિદ્યાર્થીનીઓની આ તસવીર વિરોધ પ્રદર્શન દરમિયાન લેવામાં આવી હતી. વિદ્યાર્થીનીઓએ કહ્યું કે હિજાબ આપણા ધર્મનો એક ભાગ છે.

વિદ્યાર્થીનીઓનો પ્રશ્ર્ન- હિજાબ પહેરેલી છોકરીઓને શિક્ષણનો અધિકાર નથી?
નારાજગી વ્યક્ત કરતા મુસ્લિમ વિદ્યાર્થીનીઓએ કહ્યું કે શાળા પ્રશાસન આ મુદ્દાને ધાર્મિક બનાવી રહ્યું છે. તેમના તરફથી સાંપ્રદાયિક નિવેદનો કરવામાં આવી રહ્યા છે.