વેરાવળ સોમનાથ બાયપાસ નજીક કારે આધેડને હડફેટે લેતા મોત

પ્રભાસ પાટણ પોલીસ પોલીસે ઘટનાસ્થળે પહોંચી તપાસ હાથ ધરી

ખાસ-ખબર ન્યૂઝ વેરાવળ

સોમનાથ બાયપાસ પર પૂરપાટ ઝડપે પસાર થઈ રહેલી ફોચ્ર્યુનર કારે રસ્તે ચાલી જઈ રહેલા આઘેડને અડફેટે લેતા આધેડનું સ્થળ પર કમકમાટીભર્યું મૃત્યુ નીપજ્યું હતું.
પ્રાપ્ત વિગત અનુસાર, ગતરાત્રિના સોમનાથ બાયપાસ પર ડોશીઆંબા વાડી વિસ્તારના વળાંક નજીક કોડીનાર તરફથી વેરાવળ તરફ જઈ રહેલી જીજે-32-AA-7227 નંબરની ફોચ્ર્યુનર કારના ચાલકે પૂરપાટ ઝડપે કાર ચલાવી રસ્તા પર ચાલીને જઈ રહેલા એક આઘેડને અડફેટે લેતા તેનું ઘટનાસ્થળે જ કમકમાટીભર્યું મૃત્યુ નીપજ્યું હતું.

ઘટનાના પગલે સ્થળ ઉપર લોકોના ટોળા એકઠા થઈ ગયા હતા અને પ્રાથમિક તપાસમાં મરણ જનાર ડોસીઆંબા વાડી વિસ્તારમાં રહેતા 63 વર્ષીય રાજાભાઈ ગોવિંદભાઈ વાયલુ હોવાનું સામે આવ્યું હતું. અકસ્માત સમયે સ્થળ પર લોકોના ટોળા એકઠા થઈ જતા પ્રભાસ પાટણ પોલીસ તુરંત ઘટનાસ્થળે પહોંચી હતી અને મૃતદેહને પીએમ અર્થે ખસેડી મામલો થાળી પાડ્યો હતો.આ અકસ્માતની ઘટના સંદર્ભે મૃતકના પુત્ર નરસીભાઈ વાયલુ દ્વારા પ્રભાસ પાટણ પોલીસમાં ફોચ્ર્યુનર કારના ચાલક વિરુદ્ધ ફરિયાદ આપતા પોલીસે આગળની ધોરણસરની તપાસ હાથ ધરી છે.