હત્યાનાં ગુનાનાં જેલમાંથી ફરાર થયા બાદ બે વર્ષે રાજકોટનો શખ્સ ઝડપાયો

 વેરાવળ પોલીસે બસ સ્ટેશનમાંથી પકડી પાડ્યો : પેરોલ પર છુટ્યા બાદ હાજર થયો ન હતા

ખાસ-ખબર સંવાદદાતા
રાજકોટમાં હત્યા સહિતનાં ગુનામાં જેલમાં રહેલા આરોપીને પેરોલ પર રજા લઇ હાજર થયો ન હતો. આ શખ્સને વેરવાળ પોલીસને ઝડપી લીધો હતો.

બનાવની મળતી વિગત મુજબ રાજકોટનો અજયસિંહ પ્રધ્યુમનસિંહ વાળા હત્યા સહિતનાં ગુનામાં જેલમાં હતો. વર્ષ 2020માં પેરોલ પર રજા લઇ બહાર આવ્યો હતો.બાદ જેલમાં હાજર થયો ન હતો. આ શખ્સ વેરાવળ બસ સ્ટેશનમાં હોવાની બાતમી મળતા વેરાવળ સીટી પોલીસ સ્ટેશનનાં પીઆઇ એસ.એમ.ઇશરાણી સહિતનાં ટીમે આ શખ્સને ઝડપી લીધો હતો. આ શખ્સ છેલ્લા બે વર્ષથી ફરાર હતો. પોલીસે રાજકોટ જેલ હવાલે કવરાની તજવીજ હાથ ધરી છે.