સરગમ ક્લબના સીનિયર સિટિઝન પાર્ક ઇવનિંગ પોસ્ટમાં સંગીત સંધ્યાનું આયોજન

બુધવારથી રવિવાર સુધી સતત પાંચ દિવસ વિવિધ ગ્રુપ્સ દ્વારા કરાઓકેનું આયોજન; આઇકાર્ડ સાથે પ્રવેશ ફરજિયાત

ખાસ-ખબર ન્યૂઝ રાજકોટ

સરગમ ક્લબ સંચાલિત સીનિયર સિટીઝન પાર્ક ઇવનિંગ પોસ્ટ ખાતે આગામી પાંચ દિવસ સુધી સંગીતપ્રેમી સભ્યો માટે વિવિધ ગ્રુપ્સ દ્વારા સંગીત સંધ્યાનું ભવ્ય આયોજન કરવામાં આવ્યું છે. કાર્યક્રમની શરૂઆત તા. 26/11/2025, બુધવારના રોજ સાંજે 5:30 કલાકે આદર્શ કરાઓકે ગ્રુપ દ્વારા થશે.

ત્યારબાદ, તા. 27/11/2025, ગુરુવારના રોજ ઝનકાર કરાઓકે ગ્રુપ, તા. 28/11/2025, શુક્રવારના રોજ “એ.વિ. મ્યુઝિકલ ગ્રુપ”, તા. 29/11/2025, શનિવારના રોજ “ઓમ ઇન્ટરનેશનલ કુરિયર એન્ડ કાર્ગો” અને તા. 30/11/2025, રવિવારના રોજ “તરાના મ્યુઝિકલ ગ્રુપ” દ્વારા સંગીતની સુરાવલિઓ રજૂ કરવામાં આવશે. તમામ કાર્યક્રમો સાંજે 5:30 કલાકે યોજાશે.

નોંધનીય છે કે, તમામ સભ્યોએ આ કાર્યક્રમમાં પ્રવેશ મેળવવા માટે આઇકાર્ડ સાથે લઈને આવવું ફરજિયાત છે. આઈકાર્ડ વગર પ્રવેશ મળશે નહીં.

આ કાર્યક્રમને સફળ બનાવવા માટે સરગમ ક્લબના પ્રમુખ ગુણવંતભાઈ ડેલાવાળા, ઇવનિંગ પોસ્ટનાં ઇન્ચાર્જ મનસુખભાઈ મકવાણા સહિતના કાર્યકરો જહેમત ઉઠાવી રહ્યા છે.