79મા સ્વતંત્રતા દિવસ પર સિએટલના પ્રતિષ્ઠિત સ્પેસ નીડલ પર ભારતીય ત્રિરંગો લહેરાયો
સિએટલ સ્થિત ભારતીય કોન્સ્યુલેટ જનરલે કોન્સ્યુલેટ પરિસરમાં સત્તાવાર ધ્વજવંદન સમારોહ સાથે 79મા સ્વતંત્રતા દિવસની ઉજવણીનું આયોજન કર્યું હતું.
- Advertisement -
ભારતના 79મા સ્વતંત્રતા દિવસ નિમિત્તે, સિએટલના પ્રખ્યાત 605 ફૂટ ઊંચા સ્પેસ નીડલ પર એક પ્રતિષ્ઠિત ક્ષણમાં, ભારતનો ત્રિરંગો ફરકાવવામાં આવ્યો. ANIના અહેવાલ મુજબ, સિએટલમાં ભારતના કોન્સ્યુલ જનરલ, સિએટલના મેયર બ્રુસ હેરેલ અને સિએટલ શહેરના નેતૃત્વના અન્ય પસંદગીના મહાનુભાવો સાથે, આ કાર્યક્રમમાં હાજરી આપી હતી.
સિએટલ સ્થિત ભારતના કોન્સ્યુલેટ જનરલે આ કાર્યક્રમ વિશે એક વિડિઓ પોસ્ટ કરી હતી, જેમાં સ્વતંત્રતા દિવસની ઉજવણી માટે લોકો એકઠા થાય છે ત્યારે ભારતનો ધ્વજ હવામાં ઊંચો જોવા મળે છે.
શહેરના મેયર બ્રુસ હેરેલ કહ્યું હતું કે ભારતીય અમેરિકી સમુદાયએ સિએટલને ટેકનોલોજીનું મોટું કેન્દ્ર બનાવવામાં મોટું યોગદાન આપ્યું છે. સિએટલમાં ભારતીય મહા વાણિજય દૂત પ્રકાશ ગુપ્તાએ એકસ પર લખ્યું હતું- સ્પેસ નીડલ પર તિરંગો લહેરાવવો સૌથી મોટું સન્માન છે જયહિન્દ.
