ભગુડા મોગલધામ ખાતે બલદાણીયા પરિવાર દ્વારા લાપસી અને રક્તદાન કેમ્પનું આયોજન

ખાસ-ખબર ન્યૂઝ રાજુલા
રાજુલાની સહજાનંદ હોસ્પિટલના ડો. કાનજી બલદાણીયા પરિવાર દ્વારા મહુવાના સુપ્રસિદ્ધ ભગુડા મોગલધામ ખાતે એક ભવ્ય કાર્યક્રમનું આયોજન કરવામાં આવ્યું હતું. આ પ્રસંગે માતાજીની લાપસીનું આયોજન કરવાની સાથે જ એક રક્તદાન કેમ્પ પણ યોજાયો હતો.

આ કાર્યક્રમમાં લોકસાહિત્યકાર માયાભાઈ આહીર અને પૂર્વ ધારાસભ્ય અંબરીષ ડેર ખાસ ઉપસ્થિત રહ્યા હતા. બલદાણીયા પરિવારે, જેમાં ચિથરભાઈ રીણાભાઈ બલદાણીયા, સુરેશભાઈ, બટુકભાઈ, વિશાલભાઈ, ડો. કાનજી બલદાણીયા અને રાજેશભાઈનો સમાવેશ થાય છે, સૌને માતાજીના આશીર્વાદ પ્રાપ્ત થાય તે હેતુથી આ દિવ્ય કાર્યનું આયોજન કર્યું હતું.

રક્તદાન કેમ્પમાં મોટી સંખ્યામાં લોકોએ ઉત્સાહપૂર્વક ભાગ લીધો અને રક્તદાન કર્યું. આ કેમ્પમાં કુલ 75 બ્લડ બોટલ એકત્ર કરવામાં આવી હતી. આ કાર્યમાં અમદાવાદની સર્વોદય બ્લડ બેન્ક દ્વારા સહયોગ પૂરો પાડવામાં આવ્યો હતો.
આ પ્રસંગે માયાભાઈ આહીર દ્વારા ડો. કાનજી બલદાણીયા અને તેમના પરિવારજનો તેમજ અન્ય ઉપસ્થિત મહાનુભાવોનું સન્માન કરવામાં આવ્યું હતું. આ કાર્યક્રમમાં ડો. વાઘમશી, સદવિચાર હોસ્પિટલના ડો. મનહરભાઈ આર. બલદાણીયા, ઘનશ્યામભાઈ લાખણોત્રા, રાજુલા-મહુવાની ડોક્ટર્સ ટીમ અને અન્ય અગ્રણીઓ પણ હાજર રહ્યા હતા. આ કાર્યક્રમ ધાર્મિક શ્રદ્ધા સાથે સમાજસેવાનો ઉત્તમ સમન્વય રજૂ કરે છે.