14 માર્ચથી ચણા-રાયડાની ટેકાના ભાવે ખરીદી શરૂ થશે

9 માર્ચ સુધી ઑનલાઈન રજિસ્ટ્રેશન કરાવો

ખાસ-ખબર ન્યૂઝ સુરેન્દ્રનગર
રવી સીઝન 2024-25 માટે કેન્દ્ર સરકારે ચણા અને રાયડાના પાક માટે ટેકાના ભાવ જાહેર કર્યા છે. ચણા માટે પ્રતખ્ ક્વિન્ટલ રૂ. 5,650 અને રાયડા માટે રૂ. 5,950નો ટેકાનો ભાવ નક્કી કરવામાં આવ્યો છે.

ખેડૂતોએ ટેકાના ભાવે પાક વેચવા માટે ઓનલાઈન રજિસ્ટ્રેશન કરાવવું આવશ્યક છે. રજિસ્ટ્રેશનની પ્રક્રિયા 18 ફેબ્રુઆરીથી શરૂ થશે. ખેડૂતો 9 માર્ચ સુધી ગ્રામ્ય કક્ષાના ઈ-ગ્રામ કેન્દ્રો પર જઈને નોંધણી કરાવી શકશે. વિલેજ કમ્પ્યુટર એન્ટરપ્રિન્યોર મારફતે નાફેડના ઈ-સમૃધ્ધિ પોર્ટલ પર વિનામૂલ્યે નોંધણી કરવામાં આવશે. રાજ્યમાં વિવિધ ખરીદ કેન્દ્રો પર 14 માર્ચ, 2025થી ચણા અને રાયડાની ખરીદી શરૂ થશે.

આ યોજનાનો લાભ લેવા ઈચ્છતા તમામ ખેડૂતોએ સમયમર્યાદામાં રજિસ્ટ્રેશન કરાવવા અનુરોધ કરવામાં આવ્યો છે.