ખાસ-ખબર ન્યૂઝ નવી દિલ્હી
તારીખ- 5 ઓગસ્ટ 2024, સમય- બપોરે 1 વાગ્યાની આસપાસ. બાંગ્લાદેશમાં હિંસા વચ્ચે વડાપ્રધાન શેખ હસીના તેમની બહેન રેહાના સાથે કારમાં ઙખ નિવાસસ્થાનથી નીકળી રહ્યા છે. તે ઈ-130 ટ્રાન્સપોર્ટ એરક્રાફ્ટમાં સાંજે 5 વાગ્યે ભારતના હિંડન એરબેઝ પર પહોંચે છે. બીજી તરફ બાંગ્લાદેશમાં રાષ્ટ્રપતિ મોહમ્મદ શહાબુદ્દીને સંસદ ભંગ કરી. આ પછી દેશમાં વચગાળાની સરકાર રચાય છે. હસીનાએ દેશ છોડ્યાના 8 દિવસ બાદ 13 ઓગસ્ટે તેની સામે હત્યાનો પહેલો કેસ નોંધવામાં આવ્યો હતો. આ પછી હસીના સામે એક પછી એક 76 કેસ નોંધાયા જેમાંથી 63 કેસ માત્ર હત્યા સાથે જોડાયેલા છે. 22 ઓગસ્ટે બાંગ્લાદેશની વચગાળાની સરકારે પૂર્વ ઙખ હસીના અને તેમના પરિવારના સભ્યોના રાજદ્વારી પાસપોર્ટ પણ રદ કરી દીધા હતા.
- Advertisement -
ત્યારથી ભારતમાં તેમનું રોકાણ મર્યાદિત છે. બાંગ્લાદેશી મીડિયા હાઉસ ઢાકા ટ્રિબ્યુને ભારત સરકારના સૂત્રોને ટાંકીને જણાવ્યું હતું કે, ભારતની વિઝા નીતિ અનુસાર, જો કોઈ બાંગ્લાદેશી નાગરિક પાસે ભારતીય વિઝા નથી, તો તે ફક્ત 45 દિવસ માટે અહીં રહી શકે છે. શેખ હસીનાને ભારત આવ્યાને 25 દિવસ થઈ ગયા છે. આવી સ્થિતિમાં કાયદાકીય રીતે તે ભારતમાં માત્ર 20 દિવસ જ રહી શકે છે. હસીનાનો પાસપોર્ટ રદ થયા બાદ બાંગ્લાદેશ પ્રત્યાર્પણ થવાનો ખતરો છે. નવો પાસપોર્ટ મેળવવા માટે હસીનાને બાંગ્લાદેશની ઓછામાં ઓછી બે તપાસ એજન્સીઓ પાસેથી ક્લિયરન્સની જરૂર પડશે. આ અંતર્ગત બંને દેશ એકબીજાના સ્થળોએ આશરો લઈ રહેલા ભાગેડુઓને પરત કરવાની માગ કરી શકે છે. જો કે, આમાં એક પેંચ એ છે કે, ભારત રાજનીતિ સાથે જોડાયેલી બાબતોમાં વ્યક્તિને પ્રત્યાર્પણ કરવાનો ઇનકાર કરી શકે છે.
