પેરિસ ઓલિમ્પિક્સ 2024માં ભારતને સૌથી મોટો ઝટકો, વિનેશ ફોગાટ પેરિસ ઓલિમ્પિક્સમાંથી અયોગ્ય જાહેર
વિનેશ ફોગાટ ગેરલાયક
- Advertisement -
વિનેશ ફોગાટને પેરિસ ઓલિમ્પિકમાંથી ગેરલાયક ઠેરવવામાં આવતા હવે ભારતના ઓલિમ્પિક અભિયાનને મોટો ફટકો પડ્યો છે. સૂત્રોએ આજે જણાવ્યું કે તેનું વજન 50 કિલો સાથે મેળ ખાતું નથી. ભારતીય ઓલિમ્પિક એસોસિએશન (IOA) એ કહ્યું કે તે ખેદજનક છે કે, ભારતીય દળ વિનેશ ફોગાટને મહિલા કુસ્તી 50 કિગ્રા વર્ગમાંથી અયોગ્ય ઠેરવવાના સમાચાર શેર કરે છે. આખી રાત ટીમના શ્રેષ્ઠ પ્રયાસો છતાં આજે સવારે તેનું વજન 50 કિલો કરતાં થોડા ગ્રામ વધુ હતું. ટીમ આ સમયે વધુ કોઈ ટિપ્પણી કરશે નહીં. ભારતીય ટીમ તમને વિનેશની ગોપનીયતાનું સન્માન કરવાની વિનંતી કરે છે. તે આગળની સ્પર્ધાઓ પર ધ્યાન કેન્દ્રિત કરવા માંગશે.
વિનેશ તેના ઐતિહાસિક ગોલ્ડ મેડલથી માત્ર એક જીત દૂર હતી પરંતુ તે પહેલા ખરાબ સમાચાર આવ્યા. એવું કહેવામાં આવી રહ્યું છે કે, તેનું વજન નિર્ધારિત ધોરણ કરતા 100 ગ્રામ વધુ હતું. વિનેશ ફોગાટે પ્રી-ક્વાર્ટર ફાઈનલ મેચમાં જાપાનની ઓલિમ્પિક ચેમ્પિયન કુસ્તીબાજ યુઈ સુસાકી સામે મોટો અપસેટ સર્જ્યો હતો અને તેને રોમાંચક રીતે 3-2થી હરાવ્યો હતો. આ પછી તેણીએ યુક્રેનની ઓક્સાના લિવાચ સામેની ક્વાર્ટર ફાઈનલ મેચ 7-5થી જીતી લીધી અને સેમિફાઈનલમાં જગ્યા બનાવી.
- Advertisement -
સેમીફાઈનલમાં શાનદાર વિજય થયો હતો
વિનેશ ફોગાટે મંગળવારે (07 ઓગસ્ટ) રમાયેલી મેચમાં પ્રથમ રાઉન્ડ સુધી 1-0થી આગળ હતી. પછી છેલ્લી ત્રણ મિનિટમાં ક્યુબાની રેસલર પર ડબલ લેગ એટેક કર્યો અને 4 પોઈન્ટ મેળવ્યા હતા. તેણે આ લીડને અંત સુધી જાળવી રાખી હતી અને ફાઇનલમાં જગ્યા બનાવી હતી. આ ઓલિમ્પિકમાં વિનેશની સફર શાનદાર રહી છે. સેમિફાઇનલ પહેલા, વિનેશે ક્વાર્ટર ફાઇનલમાં યુક્રેનની લિવાચ ઉક્સાનાને 7-5થી હરાવી હતી.
વિનેશ ફોગાટના નામે ઘણાં મેડલ અને રેકોર્ડ્સ
1- 2018 એશિયન ગેમ્સ, જકાર્તા – ગોલ્ડ મેડલ
2- 2018 કોમનવેલ્થ ગેમ્સ, ગોલ્ડ કોસ્ટ – ગોલ્ડ મેડલ
3- 2014 કોમનવેલ્થ ગેમ્સ, ગ્લાસગો – ગોલ્ડ મેડલ
4- 2018 એશિયન ચેમ્પિયનશિપ, બિશ્કેક – સિલ્વર મેડલ
5- 2013 કોમનવેલ્થ ચેમ્પિયનશિપ, જોહાનિસબર્ગ – સિલ્વર મેડલ
6- 2020 એશિયન ચેમ્પિયનશિપ, નવી દિલ્હી – બ્રોન્ઝ મેડલ
7- 2019 વર્લ્ડ રેસલિંગ ચેમ્પિયનશિપ, કઝાકિસ્તાન – બ્રોન્ઝ મેડલ
8- 2019 એશિયન ચેમ્પિયનશિપ, ઝિઆન – બ્રોન્ઝ મેડલ
9- 2016 એશિયન ચેમ્પિયનશિપ, બેંગકોક – બ્રોન્ઝ મેડલ
10- 2014 એશિયન ગેમ્સ, ઇંચિયોન- બ્રોન્ઝ મેડલ
11- 2013 એશિયન ચેમ્પિયનશિપ, નવી દિલ્હી – બ્રોન્ઝ મેડલ
