કુલ્લુ જિલ્લાના સાંઈજ ઘાટીમાં એક ભયાનક બસ અકસ્માત થયો છે. શૈંશરથી સાંઈજ તરફ આવી રહેલી ખાનગી બસ જાંગલા ગામ પાસે રોડ પરથી નીચે ખીણમાં પડી હતી.
હિમાચલ પ્રદેશના કુલ્લુ જિલ્લામાં સોમવારે એક મોટો અકસ્માત થયો હતો. આ અકસ્માતમાં 10થી વધુ લોકોના મોત થયા હોવાના અહેવાલ છે. મૃતકોમાં શાળાના બાળકો પણ સામેલ છે. ઘણા લોકો ગંભીર રીતે ઘાયલ પણ થયા છે. માહિતી મળતા જ પોલીસ અને પ્રશાસનના અધિકારીઓ ઘટનાસ્થળે પહોંચી ગયા છે. આસપાસના લોકોની મદદથી બચાવ કાર્ય શરૂ કરવામાં આવ્યું છે.
- Advertisement -
બસ બેકાબૂ થઈને લગભગ 200 મીટર નીચે ઉંડી ખીણમાં પડી
મળતી માહિતી મુજબ આ મોટી દુર્ઘટના કુલ્લુ જિલ્લાના શૈનશરમાં થઈ છે. શાળાના બાળકો અને અન્ય લોકો ખાનગી બસમાં મુસાફરી કરી રહ્યા હતા. કહેવામાં આવી રહ્યું છે કે ઘટના સમયે બસમાં લગભગ 40 લોકો સવાર હતા. બસ જંગલા ગામ પાસે પહોંચી હતી, ત્યારે અચાનક તે બેકાબૂ થઈને લગભગ 200 મીટર નીચે ઉંડી ખીણમાં પડી ગઈ હતી.
Himachal Pradesh | 10 dead after a private bus rolled off a cliff in Jangla area of Sainj valley on Neoli-Shansher road of Kullu district. Injured being shifted to Local hospitals, teams from Kullu moved to spot: DC Kullu Ashutosh Garg pic.twitter.com/iJ06mN1SEF
- Advertisement -
— ANI (@ANI) July 4, 2022
ઘાયલોને સારવાર માટે નજીકની હોસ્પિટલમાં લઈ જવામાં આવ્યા
જણાવવામાં આવી રહ્યું છે કે આ દુર્ઘટના આજે સવારે લગભગ 8.30 વાગ્યે થઈ હતી. બસ શનશરથી ઓટ જઈ રહી હતી. ડેપ્યુટી કમિશનર કુલ્લુ આશુતોષ ગર્ગે જણાવ્યું કે બચાવ કાર્ય ચાલી રહ્યું છે. અત્યાર સુધીમાં 16 મૃતદેહો મળી આવ્યા છે. ઘાયલોને સારવાર માટે નજીકની હોસ્પિટલમાં લઈ જવામાં આવ્યા છે. અકસ્માત એટલો મોટો હતો કે બસ ફૂરચેફૂરચા ઉડી ગયા હતા. જેને લઈને બસની અંદર લોકોના મૃતદેહ ફસાઈ જતાં તેમને બહાર કાઢવું મુશ્કેલ હતું.
