લોકો મોંઘા દારૂ-બીયર તરફ વળ્યાં : કંપનીઓ પણ સસ્તા દારૂની જગ્યાએ પ્રિમીયમ દારૂ પર વધુ ધ્યાન આપવા લાગી
ખાસ-ખબર સંવાદદાતા
કોરોના મહામારી (કોવિડ-19 મહામારી)ને કારણે ગયા વર્ષે દેશમાં લાંબા સમયથી લોકડાઉનની સ્થિતિ હતી. પરંતુ આ સમયગાળા દરમિયાન દેશમાં બિયર અને દારૂના વેચાણે એક દાયકાનો રેકોર્ડ તોડી નાખ્યો હતો. વર્ષ 2021 માં, લોકોએ બિયર, વ્હિસ્કી, વોડકા અને જિનનું ભારે સેવન કર્યું. ગયા વર્ષે તેમના વેચાણમાં 17-18 ટકાનો વધારો થયો હતો, જે એક દાયકામાં સૌથી વધુ છે. ઈંઠજછ ડ્રિંક્સ માર્કેટ એનાલિસિસના તાજેતરના ડેટા અનુસાર, નીચા આધાર અને ઘરેલુ વપરાશમાં વધારો થવાને કારણે દારૂના વેચાણમાં ઉછાળો આવ્યો હતો. રોગચાળાને કારણે દારૂ ઉદ્યોગને ખરાબ અસર થઈ હતી. 2020માં દારૂના વેચાણમાં 20 ટકા અને બીયરના વેચાણમાં 39 ટકાનો ઘટાડો નોંધાયો હતો. ભારતમાં દારૂના કુલ વપરાશમાં વ્હિસ્કી, બ્રાન્ડી અને રમનો હિસ્સો 97 ટકા છે.
- Advertisement -
યુકેની રિસર્ચ એજન્સીનું કહેવું છે કે આગામી પાંચ વર્ષમાં દેશમાં વાઈન માર્કેટ 4.4 ટકાના દરે વધશે જ્યારે બીયર માર્કેટ 9.3 ટકાના દરે વધશે. છેલ્લા પાંચ વર્ષની વાત કરીએ તો આ સમયગાળા દરમિયાન દેશમાં દારૂનું બજાર સપાટ રહ્યું હતું, જ્યારે બિયર માર્કેટમાં 3.7 ટકાનો ઘટાડો થયો હતો. પરંતુ કંપનીઓનો પ્લાન અલગ છે. વેચાણ વધારવાને બદલે તેમનો ભાર લોકોને મોંઘો દારૂ પીવડાવવા પર છે. ડિયાજિયો જેવી કંપનીઓ સસ્તા દારૂને બદલે પ્રીમિયમ દારૂ પર ધ્યાન આપી રહી છે. દેશની સૌથી મોટી લિકર કંપની યુએસએલના મેનેજિંગ ડિરેક્ટર હિના નાગરાજને જણાવ્યું હતું કે માંગ પાછી આવી રહી છે અને પ્રીમિયમ ક્વોલિટી લિકરનો વપરાશ વધી રહ્યો છે. કોરોના દરમિયાન, અમે આ ટ્રેન્ડ જોયો કે લોકો મોંઘી અને પ્રતિષ્ઠિત બ્રાન્ડનો દારૂ ખરીદતા હતા.
હવે કોષ પુન:પ્રાપ્ત થઈ રહ્યો છે. ઞજક એ તાજેતરમાં સિંગાપોર સ્થિત કંપનીને તેની 32 સસ્તી બ્રાન્ડ્સ વેચવા માટે એક ડીલ પર હસ્તાક્ષર કર્યા છે. કંપનીનું ધ્યાન હવે પ્રીમિયમ બ્રાન્ડ્સનું વેચાણ વધારવા પર છે.
