વંદે ભારત ટ્રેનનાં ભાડાં હજુ 10% ઘટાડાશે

અમુક રુટ્સ પર 25% કાપ મુકાઈ ચૂક્યો છે

ખાસ-ખબર સંવાદદાતા
વંદે ભારત ટ્રેનના હજુ કેટલાક પસંદગીના રુટ્સનું ભાડું 10% ઘટાડવાનો નિર્ણય લેવાયો છે. હાલમાં જ રેલવેએ તમામ ટ્રેનોના એસી ચેર અને એક્ઝિક્યુટિવ ભાડાંમાં 25% સુધી ઘટાડો કર્યો હતો. સૂત્રોના જણાવ્યાનુસાર હવે કોઈ પણ વંદે ભારત ટ્રેન અડધી પણ બુક નથી થતી. એટલે હવે તેનાં ભાડાંમાં 10% સુધીના ઘટાડાની કેટલી શક્યતા છે તે ચકાસાઈ રહ્યું છે. રેલવેની ઝોનલ ટીમ જુદા જુદા સ્તરે આ ટ્રેનનું ભાડું ઘટાડવાના પ્રસ્તાવ પર કામ કરી રહી છે.

રેલવે બોર્ડના એક અધિકારીએ જણાવ્યું કે ફેબ્રુઆરી 2024 સુધી સ્લીપર ક્લાસ ધરાવતી વંદે ભારત ટ્રેનો પણ દોડવા લાગશે. રેલવેનું માનવું છે કે જો હાલની વંદે ભારત ટ્રેનો 80% સુધી બુક થવા લાગશે તો જ મુસાફરો સ્લીપર કોચને મહત્ત્વ અપાશે તો 25% ભાડું ઘટાડાયા પછી હવે ફરી 10% ભાડું કેમ ઘટાડાઈ રહ્યું છે? આ સવાલ અંગે રેલવેના એક અધિકારીએ કહ્યું હતું કે રેલવેમાં ખાલી સીટ જાય તેના કરતાં પ્રવાસીઓને ઓછાં ભાડાંમાં મુસાફરીની તક આપવી વધુ યોગ્ય નિર્ણય છે.