દિલ્હી બ્લાસ્ટ બાદ કાશ્મીરમાં 600 લોકોની અટકાયત
ઈંખઅએ મહિલા આતંકવાદી ડો. શાહીનનું સભ્યપદ રદ કર્યું
ખાસ-ખબર ન્યૂઝ નવી દિલ્હી
દિલ્હી બોમ્બ વિસ્ફોટ કેસમાં, સુરક્ષા દળોએ ગુરુવારે રાત્રે પુલવામામાં આતંકવાદી ડો. ઉમર નબીના ઘરને ઈંઊઉ વિસ્ફોટથી ઉડાવી દીધું. ઉગઅ મેચિંગથી એ પણ પુષ્ટિ મળી કે વિસ્ફોટ કરનારી કારમાં ઉમર જ હતો. ડોક્ટર ઉમર પુલવામાના કોઇલ વિસ્તારમાં રહેતા હતા. પોલીસે તેમના માતા-પિતા અને ભાઈઓની અટકાયત કરી છે અને તેમની પૂછપરછ કરી રહી છે. ગુપ્તચર એજન્સીઓએ ખુલાસો કર્યો છે કે અત્યાર સુધીમાં ધરપકડ કરાયેલા આઠ આતંકવાદીઓએ જણાવ્યું હતું કે તેઓ 6 ડિસેમ્બરે, બાબરી મસ્જિદ ધ્વંસની વર્ષગાંઠના દિવસે દિલ્હી સહિત દેશભરમાં અનેક સ્થળોએ વિસ્ફોટ કરવા માંગતા હતા.
- Advertisement -
આ હેતુ માટે તેમણે 32 કારની વ્યવસ્થા કરી હતી. 20, EcoSport અને Brezza કાર આ ષડયંત્રનો ભાગ હતી. 10 નવેમ્બરના રોજ થયેલા દિલ્હી વિસ્ફોટમાં અત્યાર સુધીમાં 13 લોકોના મોત થયા છે, જ્યારે 20 લોકો ઘાયલ થયા છે, જેમાંથી ત્રણની હાલત ગંભીર હોવાનું કહેવાય છે. દક્ષિણ અને મધ્ય કાશ્મીરમાં 600થી વધુ લોકોની અટકાયત કરવામાં આવી છે અને 500થી વધુ સ્થળોએ દરોડા પાડવામાં આવ્યા છે. સુરક્ષા દળોએ પુલવામા, શોપિયા, કુલગામ, અનંતનાગ, બડગામ અને કુપવાડામાં કાર્યવાહી હાથ ધરી છે. દિલ્હી બોમ્બ વિસ્ફોટ બાદ ધરપકડ કરાયેલા ડો. શાહીન સામે મોટી કાર્યવાહી કરવામાં આવી છે. IMAએ તાત્કાલિક અસરથી ડો. શાહીનનું આજીવન સભ્યપદ રદ કર્યું છે. આ માહિતી કેન્દ્રીય કાર્યાલયને પણ મોકલવામાં આવી છે.
આરિફ આતંકવાદી ઉમરનો મિત્ર, તે દરરોજ ડૉ. શાહીન સાથે વાત કરતો હતો
દિલ્હી કાર બોમ્બ વિસ્ફોટ કેસમાં, ATSએ કાનપુરના કાર્ડિયોલોજિસ્ટ ડો. આરિફની ધરપકડ કરી છે. તેની કડી માર્યા ગયેલા આતંકવાદી ડો. ઉમર અને તેમની મહિલા સહયોગી ડો. શાહીન સાથે મળી છે. આરિફ બંને લોકોના સંપર્કમાં હતો. તપાસમાં એ પણ સામે આવ્યું છે કે શાહીન અને આરિફ દરરોજ વાત કરતા હતા. ડો. ઉમર અને ડો. આરિફ બંનેએ સાથે MBBSનો અભ્યાસ કર્યો હતો. અહીં તેઓ સંપર્કમાં આવ્યા હતા. એવું માનવામાં આવે છે કે ડો. ઉમર દ્વારા જ તેમણે મહિલા આતંકવાદી ડો. શાહીન સાથે જોડાયો હતો.
શાહીને તેને ટાર્ગેટ આપ્યો. આ પછી, આરિફ ઓગસ્ટ 2025માં કાનપુર ગયો. ત્યાં, તેણે LPS ઇન્સ્ટિટ્યૂટ ઓફ કાર્ડિયોલોજીમાં ખઉ (ડોક્ટરેટ ઓફ મેડિસિન)માં એડમિશન લીધું. અઝજને આરિફ, ઉમર અને શાહીન વચ્ચેના ઇમેઇલ અને ચેટ્સ મળ્યા છે. આરિફના લેપટોપમાંથી મહત્વપૂર્ણ ડેટા પણ મળી આવ્યો છે. અઝજએ આરિફનો મોબાઇલ ફોન અને લેપટોપ જપ્ત કર્યો છે.
