ફલેપ પોલિંગથી સરહદ પર બોજો ઘટશે, સુરક્ષામાં વધારો થશે: કેનેડા
ખાસ-ખબર ન્યૂઝ કેનેડા, તા.28
કેનેડાથી ફલેપપોલીંગ કરી અમેરિકા જતા ભારતીયોને મોટો ફટકો પડયો છે. વાસ્તવમાં પહેલા લોકો થોડો સમય માટે દેશની બહાર જતા હતા અને પાછા આવીને ઝડપથી પરમીટ મેળવતા હતા જેને ફલેપ પોલીંગ કહેવામાં આવે છે જેને કેનેડાએ હાલ બંધ કરી દીધુ છે. કેનેડાએ સત્તાવાર રીતે તેની બોર્ડર પર વર્ક અને સ્ટડી પરમિટ માટે ફ્લેગપોલિંગ સમાપ્ત કર્યું છે. આ રીતે હવે લોકો વર્ક પરમિટ અને સ્ટડી પરમિટ માટે બોર્ડર પાર નહીં જઈ શકે. કેનેડા બોર્ડર સર્વિસીસ એજન્સી (ઈઇજઅ) અનુસાર, દેશમાં અસ્થાયી નિવાસી દરજ્જો ધરાવતા વિદેશીઓએ (વિદેશી વિદ્યાર્થીઓ અને કામદારો) ઈમિગ્રેશન રેફ્યુજી એન્ડ સિટીઝનશિપ કેનેડા (IRCC)ને નવી ઓનલાઈન અરજી સબમિટ કરવી પડશે.
- Advertisement -
વાસ્તવમાં, પહેલા લોકો થોડા સમય માટે દેશની બહાર જતા હતા અને પાછા આવીને ઝડપથી પરમિટ મેળવતા હતા, આને ફ્લેગપોલિંગ કહેવામાં આવે છે. આમ કરવાથી ઇમિગ્રેશન પ્રક્રિયા ઝડપી બનશે. કામચલાઉ રહેવાસીઓ દ્વારા લાંબા સમયથી ફ્લેગપોલિંગનો ઉપયોગ વર્ક અને સ્ટડી પરમિટની પ્રક્રિયાના સમયને બાયપાસ કરવા માટે કરવામાં આવે છે. ફ્લેગ પોલિંગ હેઠળ લોકો અમેરિકા જતા હતા અને ત્યાં થોડો સમય વિતાવીને દેશમાં પાછા ફરતા હતા. આનાથી તેને ઝડપથી પરમિટ મેળવવામાં મદદ મળી જાય છે. કેનેડાની સરકારનું કહેવું છે કે ફ્લેગપોલિંગ રોકવાથી સરહદ પરનો બોજ ઓછો થશે અને સુરક્ષામાં પણ વધારો થશે. પબ્લિક સેફ્ટી મિનિસ્ટર ડેવિડ મેકગિન્ટીએ કહ્યું, “આ ફેરફારથી બોર્ડર પર કામ કરવાનું સરળ બનશે. કેનેડિયન અને અમેરિકન બોર્ડર ઓફિસર હવે તે કામ કરી શકશે જેના માટે તેમને તાલીમ આપવામાં આવી હતી. ” ફ્લેગપોલીંગને કારણે કેનેડા અને અમેરિકા બંનેની બોર્ડર સર્વિસ પર બોજ વધી રહ્યો હતો. IRCC ન્યૂઝ અનુસાર, એપ્રિલ 2023 અને માર્ચ 2024ની વચ્ચે, ઈઇજઅએ 69,300થી વધુ ફ્લેગપોલિંગ કેસોનું અવલોકન કર્યું હતું. આમાંના મોટાભાગના પેસિફિક વિસ્તાર, સાઉથ ઓન્ટારિયો અને ક્વિબેકમાં હતા. IRCC એ કહ્યું છે કે બોર્ડર સર્વિસ કેનેડામાં આવતા લોકો માટે છે, પહેલાથી હાજર લોકો માટે નથી. ફ્લેગ પોલિંગને લઈને બોર્ડર પર ભીડ વધી રહી હતી અને તેના કારણે મહત્વના કામમાં વિલંબ થઈ રહ્યો હતો.
