રાજકોટ સહિત રાજ્યમાં 93 GST અધિકારીની ટ્રાન્સફર

છેલ્લા એક અઠવાડિયામાં રાજયવેરા વિભાગમાં બીજો ઘાણવો

ખાસ-ખબર ન્યૂઝ ગાંધીનગર, તા.5

લોકસભાની ચૂંટણી પૂર્ણ થતા અને પરીણામો જાહેર થયા બાદ આચારસહિંતા હપ્તાની સાથે જ રાજય સરકાર દ્વારા બદલી અને બઢતીના આદેશો જારીે.. કરવામાં આવ્યા છે.

ત્યારે સ્ટેટ જીએસટી વિભાગમાં 93 જેટલા અધિકારીઓની બદલી કરવામાં આવી છે. અઠવાડિયા પહેલા જ સ્ટેટ કમિશનર સમીર વકીલ દ્વારા 200થી વધારે અધિકારીની બદલીનો ઘાણવો કાઢવામાં આવ્યો હતો. સ્ટેટ જીએસટી વિભાગ દ્વારા બદલી કરાયેલા અધિકારીઓ રાજકોટમાં 8 જેટલા અધિકારીઓની અન્ય શહેર અને આંતરીક બદલી કરાઇ છે.

તેમાં રાજકોટ ઘટક-10માં ફરજ બજાવતા મોહંમદ મહમદયાસીન ગોલાવાલાની અમદાવાદ ઘટક-5માં, જયરાજસિંહ મનહરસિંહ વણારની રાજકોટ ઘટક-93માંથી વિરમગામ ઘટક-12માં, વિભાગ-10માં સંયુકત ખાતામાં ફરજ બજાવતા પ્રિયકાબા વિક્રમસિંહ જાડેજાની નાયબ રાજયવેરા ખાતે બદલી કરાઇ છે. ગાંધીધામ વિભાગ-12માં નોકરી કરતા શૈલેષકુમાર રાજુભાઇ પરમારની રાજકોટ ઘટક-88માં, ધ્રાંગધ્રા ઘટક-81ના નિશાકુમારી રામસિંહ મછારની રાજકોટ ઘટક-89માં, જેતપુર ઘટક-95ના દિપલબા નરૂભા સોઢાની રાજકોટ ઘટક-9માં, જામનગર ઘટક-98ના સંદિપભાઇ ભીમાભાઇ ચાવડાની રાજકોટ ઘટક-93માં અને રાજકોટ વિભાગ-10ના ડિમ્પલ ભગવાનજીભાઇ પટેલની ઘટક-93માં ટ્રાન્સફર કરવામાં આવી છે.

અમદાવાદ, વડોદરા, ગાંધીનગર, સુરત, નડિયાદ, મહેસાણા, ભાવનગર, સુરત, વેરાવળ, જામનગર, રાજકોટ, ગાંધીધામ, ખંભાત, પોરબંદર, ગોંડલ, જૂનાગઢ, જામનગર, પાલનપુર, ધ્રાંગધ્રા સહિતના શહેરોને હવે નવા રાજ્યવેરા અધિકારી મળશે, હજુ પણ આગામી સમયમાં સ્ટેટ જીએસટી વિભાગમાં બદલીઓ આવે તેવી શક્યતા છે. નોંધનિય છે કે થોડા દિવસ પહેલા જ સ્ટેટ જીએસટી વિભાગમાં એસી, જેસી લેવલના અધિકારીઓની બદલી અને બઢતીના ઓર્ડર થયા હતા.