નુટુકાકાને અલવિદા: ઘનશ્યામ નાયકના અંતિમ સંસ્કારમાં પહોંચ્યાં હતા આ કલાકારો, ભીની આંખોએ આપી વિદાય

તારક મહેતાના ઉલ્ટા ચશ્મામાં નટુકાકાની ભૂમિકા અદા કરનાર ઘનશ્યામ નાયકનું નિઘન થઇ ગયું, તેઓ કેન્સરથી પીડિત હતા. એક વર્ષની તેમની કેન્સરની સારવાર ચાલતી હતી.

ઘનશ્યામ નાયકના અંતિમ સંસ્કારમાં તારક મહેતાના ઉલ્ટા ચશ્માની ટીમના સભ્યો હાજર રહ્યાં. તારક મહેતાના ઉલ્ટા ચશ્માના કલાકાર ભવ્ય ગાંધી (ટપુડો)સમય શાહ (ગોગી) મુનમુન દત્તા ( બબીતા)શોના પોડ્યુસર અસિત મોદી હાજર રહ્યાં.

નટુકાકાકાનું રવિવારે સાંજે હોસ્પિટલમાં સારવાર દરમિયાન નિધન થયું. તેમણે અંતિમ શ્વાસ હોસ્પિટલમાં જ લીધા. નટુકાકાની કેન્સરની સારવાર સૂચક હોસ્પિટલમાં ચાલતી હતી.

નટુકાકાના પરિવાર અને મનોરંજન જગતની હસ્તીઓએ ભીની આંખે તેમને વિદાય આપી. તેમની અંતિમ યાત્રા સવારે સાડ આઠ વાગે તેમના મલાડ સ્થિત ઘરેથી નીકળી હતી. તેમને કાંદિવલીના દહાનુકર વાડીના સ્માશનમાં અંતિમ સંસ્કારમાં કરવામાં આવ્યા અને તેમનો પાર્થિવ દેહ પંચમહાભૂતમાં વિલિન થઇ ગયો.

તારક મહેતા કા ઉલ્ટા ચશ્માના નટુકાકાની ભૂમિકા અદા કરનાર ઘનશ્યામ નાયક કેન્સર સામે જંગ હારી ગયા. છે. તેમનો ઇલાજ ચાલી રહ્યો હતો તે સમયે કિમોથેરેપી બાદ તેમના વાળ જતાં રહ્યાં હતા અન ચહેરો પણ નિશ્ચતેજ થઇ ગયો છે. તેમના બદલાયેલા આ લૂકથી ફેન્સ દુ:ખી થઇ ગયા અને ઝડપથી સ્વસ્થ થવાની કામના કરી રહ્યાં છે. તેમના આ બદલાયેલા લૂકના ફોટો ખૂબ જ વાયરલ થયા હતા.

આજે ભાગ્યે જ કોઇ એવી વ્યક્તિ હશે, જે નટુકાકાને ન ઓળખતી હોય.નટુકાકાએ તેમના અભિનયથી લોકોનું દિલ જીતી લીધું હતું.. તારક મહેતા કા ઉલ્ટા ચશ્માથી તેમણે દરેક ઘરમાં જાણે એક સ્થાન બનાવી લીધું છે, તેઓ નાયક કેન્સર સામે ઝઝુમ્યાં પરંતુ આ જંગમાં આખરે જિંદગી હારી ગયા. તેમના નિધનથી તારક મહેતા કા ઉલ્ટા ચશ્માની ટીમ સહિતના મનોરંજન જગત સાથે જોડાયેલા હસ્તીમાં શોકમગ્ન છે

નટુકાકાની અંતિમ સફર: ઘનશ્યામ નાયક પંચમહાભૂતમાં વિલીન, પરિવારે રડતી આંખે અંતિમ વિદાય આપી

‘તારક મહેતા’માં નટુકાકાનું પાત્ર ભજવીને ઘેર-ઘેર લોકપ્રિય થનારા ઘનશ્યામ નાયકનું ત્રીજી ઓક્ટોબરના રોજ 77 વર્ષની ઉંમરે અવસાન થયું હતું. નટુકાકાના અંતિમસંસ્કાર આજે, એટલે કે ચોથી ઓક્ટોબરના રોજ સવારે અંતિમ સંસ્કાર કરવામાં આવ્યા હતા.

અંતિમ સંસ્કારમાં કોણ કોણ હાજર રહ્યું હતું?
ભવ્ય ગાંધી (જૂનો ટપુડો), સમય શાહ (ગોગી) તથા સિરિયલના પ્રોડ્યુસર અસિત મોદી નટુકાકાના ઘરે ગયા હતા. અંતિમ સંસ્કાર કાંદિવલીના દહાનુકર વાડીમાં કરવામાં આવ્યા હતા. અહીંયા જેઠાલાલ (દિલીપ જોષી), અસિત મોદી, બાઘા (તન્મય વેકરિયા), બબિતા (મુનમુન દત્તા), ચંપકચાચા (અમિત ભટ્ટ) જોવા મળ્યા હતા.

હોસ્પિટલમાં અંતિમ શ્વાસ લીધા
નટુકાકાની કેન્સરની સારવાર સૂચક હોસ્પિટલમાં ચાલતી હતી. તેમને અહીં જ એડમિટ કરવામાં આવ્યા હતા અને ત્રીજી ઓક્ટોબરના રોજ સાંજે સાડાપાંચ વાગે તેમણે હોસ્પિટલમાં જ અંતિમ શ્વાસ લીધા હતા.

સાડાઆઠ વાગે અંતિમ યાત્રા નીકળશે
નટુકાકાની અંતિમ યાત્રા સવારે સાડ આઠ વાગે તેમના મલાડ સ્થિત ઘરેથી નીકળશે અને નવ વાગે કાંદિવલીના દહાનુકર વાડીમાં ઇલેક્ટ્રિક સ્માશનમાં અંતિમસંસ્કારમાં કરવામાં આવશે.

છેલ્લા કેટલાક સમયથી કેન્સર હતું
નટુકાકા છેલ્લાં કેટલાંક સમયથી કેન્સરની સારવાર કરાવતા હતા. ગયા વર્ષે તેમના ગળાના ભાગે આઠ ગાંઢો કાઢવામાં આવી હતી અને પછી તેમણે કિમોથેરપી લીધી હતી. તેઓ કેન્સર ફ્રી થઈ ગયા હતા. જોકે, થોડાક મહિના બાદ જ કેન્સરે ઊથલો માર્યો હતો અને તેમણે ફરી વાર કિમોથેરપી કરાવી હતી.

છેલ્લે છેલ્લે ચહેરા પર સોજા આવી ગયા
થોડા સમય પહેલાં જ નટુકાકાના દીકરા વિકાસ નાયકે એક વાતચીતમાં કહ્યું હતું કે તેના પપ્પાને ચહેરા પર સોજો આવી ગયો હતો અને તેથી જ તે વધુ વાત કરતાં નથી.

કિમો સેશનની વચ્ચે ‘તારક મહેતા’નું શૂટિંગ કર્યું
કિમો સેશનની વચ્ચે ઘનશ્યામ નાયકે દમણ જઈને ટીવી સિરિયલ ‘તારક મહેતા…’નું શૂટિંગ કર્યું હતું. ઘનશ્યામ નાયક દીકરા વિકાસ સાથે અહીં શૂટિંગ માટે આવ્યા હતા. આ દરમિયાન શ્યામ પારેખ (પત્રકાર પોપટલાલ)નો જન્મદિવસ સેટ પર સેલિબ્રેટ કરવામાં આવ્યો હતો. સેટ પર નટુકાકા માટે અલગથી કેક પણ મગાવવામાં આવી હતી.

350થી વધુ ગુજરાતી ફિલ્મો ડબ કરી
ઘનશ્યામ નાયકે આશરે 100 ગુજરાતી અને હિન્દી ફિલ્મો અને લગભગ 350 હિન્દી ટેલિવિઝન સિરિયલોમાં અભિનય કર્યો હતો. તેમણે 100 થી વધુ ગુજરાતી સ્ટેજ નાટકોમાં પણ અભિનય કર્યો હતો. તેમણે આશા ભોંસલે અને મહેન્દ્ર કપૂર જેવા મહાન કલાકારો સાથે 12 થી વધુ ગુજરાતી ફિલ્મોમાં પ્લેબેક આપ્યું હતું. તેમણે 350 થી વધુ ગુજરાતી ફિલ્મો ડબ કરી હતી.

ઘણી હિન્દી ફિલ્મોમાં કામ કર્યું
ઘનશ્યામ નાયક એટલે કે ‘નટુ કાકા’ એ 1960 માં આવેલી ફિલ્મ ‘માસૂમ’થી બાળ કલાકાર તરીકે પોતાની કારકિર્દીની શરૂઆત કરી હતી. લગભગ 60 વર્ષની કારકિર્દીમાં ઘનશ્યામ નાયકે હિન્દી ફિલ્મો અને ટીવીથી ગુજરાતી ફિલ્મોમાં કામ કર્યું. નટુ કાકાએ લગભગ 200 ગુજરાતી અને હિન્દી ફિલ્મોમાં કામ કર્યું હતું. બોલિવૂડમાં, તે ‘બરસાત’, ‘ઘાતક’, ‘ચાઇના ગેટ’, ‘હમ દિલ દે ચુકે સનમ’, ‘તેરા જાદુ ચલ ગયા’, ‘લજ્જા’, ‘તેરે નામ’, ‘ચોરી ચોરી’ અને ‘ખાકી જૈસા’ જેવી ફિલ્મમાં દેખાયા હતા.