કોંગ્રેસ નેતા વશરામ સાગઠિયા અને પોલીસ વચ્ચે ઉગ્ર બોલાચાલી થઈ
ખાસ-ખબર સંવાદદાતા
પેટ્રોલ-ડીઝલના ભાવ દિવસેને દિવસે આસમાને આંબી રહ્યા છે. આજે પેટ્રોલનો ભાવ 97 રૂપિયાએ પહોંચી જતા રાજકોટમાં કોંગ્રેસ અને આમ આદમી પાર્ટી દ્વારા વિરોધ કરવામાં આવ્યો હતો. જેમાં કોંગ્રેસે ત્રિકોણબાગ પાસે આવેલા પેટ્રોલ પંપ સામે રસ્તા પર સૂઇને વિરોધ નોંધાવ્યો હતો અને સરકાર વિરૂદ્ધ સુત્રોચ્ચાર કર્યા હતા. આથી પોલીસે કોંગ્રેસના કાર્યકરોની ટીંગાટોળી સાથે અટકાયત કરી હતી. બીજી તરફ આમ આદમી પાર્ટીએ પેટ્રોલ-ડીઝલના વધતા ભાવને લઇને સાયકલ રેલી યોજી હતી.
કોંગ્રેસે ત્રિકોણબાગ ખાતે પેટ્રોલ પંપ પાસે રસ્તામાં સૂઇ જઇને વિરોધ કર્યો હતો. તેમજ કોંગ્રેસ અનુસૂચિત જાતિ મોરચા દ્વારા ઉગ્ર સુત્રોચ્ચાર કરવામાં આવ્યા હતા. જેમાં મનપાના પૂર્વ વિરોધ પક્ષના નેતા અને હાલના કોર્પોરેટર વશરામ સાગઠિયા પણ જોડાયા હતા.
વશરામ સાગઠિયા અને પોલીસ વચ્ચે ઉગ્ર બોલાચાલી થઈ હતી. બાદમાં પોલીસે કોંગ્રેસના 10 કાર્યકરોની અટકાયત કરી હતી.
