ખાસ ખબરે નિભાવ્યો ખરો અખબારી ધર્મ..

0
55
Spread the love
  •  
  •  
  •  
  •  
  •  
  •  
  •  

એક અખબાર.. એક પત્રકાર.. ઈચ્છે તો શું ન કરી શકે?

નશીલા પદાર્થોની વિરુદ્ધ ઝુંબેશ નહીં મૂકે, ખાસ ખબર યુવાધનને બરબાદ નહીં થવા દે

ખાસ ખબર કોઈથી પણ નહીં ડરશે કે નહીં ઝૂકશે, ખાસ ખબર પોતાનો અખબારી ધર્મ નિભાવતું રહેશે

ખાસ ખબરમાં નહીં છપાતાં – છૂપાવાતાં સમાચાર સૌ પ્રથમ – સૌથી વધુ આવશે, ખાસ ખબર ખબરદાર કરે છે

ખાસ ખબરને ખબર છે કે, કોલેજ-યુનિ.ની આસપાસ ક્યાં, ક્યાં-ક્યાં અને કેટલા પ્રમાણમાં નશીલા પદાર્થો વેંચાઇ રહ્યા છે 

ખાસ ખબરને ખબર છે કે, દારૂ, ગાંજો, મેક્સ, એમડીથી લઈ બુટલેગરો અને બૂકીઓના ઠેકાણા શું છે
ખાસ ખબરને ખબર છે કે, નશીલા પદાર્થોની હેરફેર કરતા માથાભારે ગુંડાઓ પર કોના ચાર હાથ છે
ખાસ ખબરને ખબર છે કે, નશીલા પદાર્થોની હેરાફેરી વિરુદ્ધ ઝુંબેશ ચલાવવામાં નહીં આવે તો શું થશે
ખાસ ખબરને બધી જ ખબર છે એટલે ખાસ ખબર ખબરદાર કરે છે એ તમામ તત્વોને.. યુવાધનને બરબાદ કરનાર એકપણ ગુનેગાર અને તેના સાગરીતને છોડાશે નહીં, તેમના વિરુદ્ધ છાતી ઠોકી છાપવામાં આવશે

અખબારનો ધર્મ છે, સમાજને આયનો બતાવવાનો અને એ અખબારી ધર્મ ખાસ ખબર અખબાર બખૂબી નિભાવી રહ્યું છે. પત્રકારો પ્રજાના ખરા અર્થમાં મિત્ર બની રહે તો સમાજમાંથી દૂષણો નાબૂદ થાય. પત્રકાર ધારે તો પ્રજાહિતમાં કંઈપણ કરી શકે છે એ રાજકોટના ખાસ ખબરે સાબિત કરી આપ્યું છે. બસ આ માટે જરૂર હોય છે પૂરી ઈમાનદારી, જવાબદારી અને સમજદારીથી કામગીરી કરવાની. અખબારી ધર્મનું શ્રેષ્ઠ ઉદાહરણ આપતી આવી જ એક ઘટના રાજકોટમાં બની છે. ગઈકાલે ખાસ ખબર અખબાર દ્વારા કરવામાં આવેલા એક ઓપરેશનમાં 1.5 કિલો જેટલો ગાંજો પકડી પાડવામાં આવ્યા હતો અને આમ રાજકોટના ખાસ ખબરે પોતાનો અખબારી ધર્મ પૂર્ણ નિષ્ઠા અને નીડરતાથી નિભાવી યુવાધનને બરાબર થતું બચાવ્યું હતું. 

ખાસ ખબરના સાહસી પત્રકારો એ એક જોખમી ઓપરેશન પાર પાડી દોઢ કિલો ગાંજા સાથે ત્રણ આરોપીને રંગે હાથ ઝપડી પાડવામાં પોલીસની મદદ કરી હતી અને આ સમગ્ર ઘટના મીડિયામાં આવતા ગુજરાતભરમાં ચકચાર મચી જવા પામી છે.

યુવાધનને બરબાદ કરતાં નશીલા પદાર્થો દારૂ, ગાંજો, મેક્સ, એમડી વગેરેની ખૂલ્લેઆમ હેરાફેરી થઈ રહી હોય ખાસ ખબરે યુવાધનને બરબાદ થતું બચાવવા અને નશીલા પદાર્થોની હેરફેર રોકવા એક ઝુંબેશ શરૂ કરી હતી જેમાં અમુક ઓપરેશનમાં પોલીસ વિભાગનો સાથસહકાર મળ્યો હતો તો અમુક ઓપરેશનમાં પોલીસ વિભાગે આંખ આડા કાન અને મોઢા આડા હાથ કરી દીધા હતા. જોકે ત્યારબાદ એક પછી એક દારૂ, જુગારના અડ્ડાઓ પર વિઝીલન્સની ટિમ ત્રાટકી હતી. વાત અહીંથી ખતમ ન થતા નશીલા પદાર્થોનાં ધંધાર્થીઓ અને તેમની પાસેથી હપ્તાવસૂલી કરનારાઓએ ખાસ ખબરને ડરાવવા અને ધમકાવવાના ખૂબ પ્રયત્નો કર્યા હતા છતાં પણ ખાસ ખબર એકપણ માથાભારે ગુંડાઓ વિરુદ્ધ ઝૂક્યું ન હતું. કેટલાક બુટલેગરો અને બુકીઓએ તો સામ, દામ, દંડ, ભેદ અપનાવ્યાં હતા છતાં ખાસ ખબરે કોઈની પણ સાડી બાર રાખી નહતી.

છેલ્લા કેટલાંક દિવસોમાં ખાસ ખબરમાં નશીલા પદાર્થો વિરુદ્ધ ચલાવવામાં આવેલી ઝુંબેશનાં પરિણામે ક્યાંક એવું પણ ચર્ચાતું હતું કે, ખાસ ખબર સિસ્ટમ વિરોધી છે પરંતુ ના ખાસ ખબર સિસ્ટમ નહીં સમસ્યાની વિરુદ્ધમાં છે. ખાસ ખબરનો વિરોધ માત્રને માત્ર નશીલા પદાર્થોની હેરફેર કરતા આવારા તત્વો સામે છે. અને એટલે જ ખુદ ખાસ ખબરે એક ઓપરેશનમાં સાબિત કરી આપ્યું છે કે, પત્રકાર સમાજની મહત્વપૂર્ણ કડી છે, પ્રજાની મિત્ર છે. તેને સિસ્ટમ સામે નહીં સમસ્યા સામે વાંધો છે. જો ખાસ ખબર ધારતું તો માત્ર એકલું જ સ્ટિંગ ઓપરેશન કરી શકતું હતું પરંતુ નશીલા પદાર્થોની હેરફેર કરનારા પકડાતા નહીં. તેથી ખાસ ખબરે રાજકોટ પોલીસને આ અંગે સમગ્ર જાણ કરી ઓપરેશનમાં ન માત્ર મોટા પ્રમાણમાં ગાંજો પરંતુ તેની હેરફેર કરનારાઓને પણ પકડી પાડ્યા છે. આ જ કારણોસર કહેવાય છે કે, છોડે નહીં કોઈ કસર એ છે ખાસ ખબર.. 


Spread the love
  •  
  •  
  •  
  •  
  •  
  •  
  •  

LEAVE A REPLY

Please enter your comment!
Please enter your name here