ડિસેમ્બર અને ફેબ્રુઆરીમાં થોડા થોડા દિવસના અંતે ગેસ સિલિન્ડરના ભાવ વધતા રહ્યા છે. 50 અને 25 રૂપિયાનો વધારો કરીને LPG સિલિન્ડરનો ભાવ હવે 200 રૂપિયા વધ્યો છે.

0
23
Spread the love
  •  
  •  
  •  
  •  
  •  
  •  
  •  

  • પેટ્રોલ-ડીઝલના ભાવ વધારા બાદ જનતાને ગેસ સિલિન્ડરના વધતા ભાવે પરેશાન કરી.
  • ફેબ્રુઆરીના 25 દિવસમાં જ ગેસનો બાટલો 100 રૂપિયા મોંઘો થયો છે.
  • ગેસ સિલિન્ડરના ભાવ વધતાં ગૃહિણીઓનું બજેટ ખોરવાયું છે.
  • રાજ્યમાં પેટ્રોલ અને ડીઝલના સતત ભાવ વધારા બાદ હવે ગેસ સિલિન્ડરમાં થયેલા રૂપિયા 25ના વધારાના કારણે ગૃહિણીના બજેટ પર અસર થઈ રહી છે. માત્ર 87 દિવસના ટૂંકા ગાળામાં જ અમદાવાદમાં ગેસ સિલિન્ડર 200 રૂપિયા જેટલો મોંઘો થયો છે. ફેબ્રુઆરી મહિનામાં સતત ત્રીજીવાર ગેસના ભાવોમાં વધારો થતાં અમદાવાદમાં ગેસ સિલિન્ડરનો ભાવ 801 રૂપિયા થયો છે. ડિસેમ્બર 2020માં બે વખત થયેલા ભાવ વધારામાં ગેસનો બાટલો 100 રૂપિયા મોંઘો થયો હતો અને હવે ફેબ્રુઆરીમાં ત્રણવાર ભાવ વધ્યા પછી બાટલની કિંમત ઓર 100 રૂપિયા વધી છે.LPGના બાટલાના ભાવ સતત આસમાને જઈ રહ્યા છે ત્યારે લોકોની હાલત કફોડી બની છે. ખૂબ જ ટૂંકા ગાળામાં સબસિડીવાળા LPG સિલિન્ડરના ભાવમાં સરકાર દ્વારા ફરી વધારો ઝીંકાતા લોકોમાં ભારે આક્રોશ છે. એક તરફ પેટ્રોલ અને ડીઝલના ભાવ સતત વધી રહ્યા છે ત્યારે ગેસ સિલિન્ડરના ભાવ પણ આસમાને પહોંચ્યા છે. સિલિન્ડરના ભાવ સતત વધી રહ્યા છે અને બીજી બાજુ સરકાર દ્વારા સબસિડી બંધ કરી દેવાતા ગૃહિણીઓને બમણો માર પડી રહ્યો છે.

    રાજ્યમાં નવેમ્બર 2020ના અંત સુધી અમદાવાદમાં LPG સિલિન્ડરના ભાવ રૂપિયા 601 હતા. ડિસેમ્બરમાં મહિનાની બીજી તારીખે સિલિન્ડરની કિંમતમાં 50 રૂપિયાનો વધારો કરાયો હતો અને કિંમત 651 રૂપિયા થઈ હતી. ત્યારબાદ 15 ડિસેમ્બરના રોજ ફરી રૂપિયા 50નો વધારો ઝીંકાતા બાટલાના ભાવ 701 રૂપિયા થયા હતા. આમ ડિસેમ્બર મહિનામાં 15 દિવસમાં જ 100 રૂપિયાનો તોતિંગ ભાવ વધારો ઝીંકાયો હતો.

    ડિસેમ્બર માસમાં 100 રૂપિયાના ભાવ વધારાથી રોષે ભરાયેલી ગૃહિણીઓનો ગુસ્સો હજી તો શાંત નહોતો થયો ત્યાં સરકારે 4 ફેબ્રુઆરી 2021ના રોજ ફરી 25 રૂપિયાનો વધારો કર્યો હતો. પરિણામે અમદાવાદમાં ગેસ સિલિન્ડરના ભાવ રૂપિયા 726 પર પહોંચ્યા હતા. જો કે, આ ભાવ વધારો અહીં અટક્યો નહીં. 14 ફેબ્રુઆરીએ ફરીથી ગેસ સિલિન્ડરના ભાવ 50 રૂપિયા વધ્યા હતા અને કિંમત 776 રૂપિયા થઈ હતી. 11 દિવસ બાદ 25 ફેબ્રુઆરી 2021ના રોજ 25 રૂપિયાનો વધારો કરાતા હાલમાં અમદાવાદમાં ગેસ સિલિન્ડરની કિંમત 801 રૂપિયા થઈ છે.

    આમ, ડિસેમ્બર અને જાન્યુઆરીના 31-31 દિવસો અને ફેબ્રુઆરીના 25 દિવસ મળીને કુલ 87 દિવસના ટૂંકા ગાળામાં જ અમદાવાદમાં LPG ગેસ સિલિન્ડરની કિંમત 200 રૂપિયા જેટલી વધી હતી. સતત ભાવોમાં થઈ રહેલા વધારાને પગલે ગૃહિણીઓને ઘર ચલાવવું મુશ્કેલ થઈ પડ્યું છે. છેલ્લા 3 મહિનામાં પાંચ વખત ભાવ વધારો થયો છે. જેમાં 3 વખત 50-50 રૂપિયા વધારાયા અને બે વખત 25-25 રૂપિયાનો વધારો થયો હતો.


Spread the love
  •  
  •  
  •  
  •  
  •  
  •  
  •  

LEAVE A REPLY

Please enter your comment!
Please enter your name here